RCZ Delcevo

Подобрувањето на животот во руралните области преку изградба на капацитетите на руралното општество е основната цел на Мрежата за рурален развој на Република Македонија беше промовирана во Скопје.

Мрежата, која е сојуз на граѓански здруженија основан во март годинава што го следи моделот на 23-те слични иницијативи за национални рурални мрежи во Европа, нуди активно партнерство и поддршка кон организациите на земјоделците и Министерството за земјоделство, шумарство и водостопанство за да се подобри конкурентноста и одржливоста на аграрот.

- Креирањето на Мрежата за рурален развој има за цел да ги вклучи локалните актери во промоција и јакнење на свеста на населението во руралните заедници во процесот на ефикасно користење на мерките и фондовите од ИПАРД и Националната програма за рурален развој, рече министерот за земјоделство, шумарство и водостопанство Љупчо Димовски во поздравниот говор на промоцијата на Мрежата.